НАЈБОГАТИОТ ШТЕДАЧ ВО ЦРНА ГОРА НЕ Е ЖИТЕЛ НА ДРЖАВАТА: Има орочени 26,5 милиони евра

Најбогат депонент во Црна Гора е нерезидент со орочен
депозит од 26,5 милиони евра, а кога станува збор за резиденти, најголемиот
орочен депозит е 23,6 милиони евра, објави Централната банка на Црна Гора.

Подгоричкиот портал Банкар пишува дека на крајот на минатата
година, според последните достапни податоци за 50-те најголеми штедачи, кои
банките ги доставиле до Централната банка на Црна Гора, на 31 декември, орочени депозити имале 23 физички
лица во износ од еден милиони и повеќе евра.

На прашањето за причините за растот на депозитите во 2023
година, ЦБЦГ рече дека тоа е главно последица на силниот реален раст остварен
во 2023 година од околу шест отсто во текот на минатата година.

„Клучна улога во акумулацијата на економскиот раст, а со тоа
и растот на депозитите одигра многу успешната туристичка сезона, односно
приливот од над 1,5 милијарди евра, како и активностите поврзани со овој
сектор. Во 2023 година прилив по основ на дознаки е остварено и од странство во
износ од 792 милиони евра. Исто
така, на растот на депозитите влијаело дополнителното штедење на нерезидентите
со подолг престој во Црна Гора. Годинава има прилив на странски директни
инвестиции врз основа на за продажба на недвижен имот во Црна Гора во износ од
463 милиони евра“, соопштија од ЦБЦГ.

Централната банка наведува и дека сите горенаведени приливи
претставуваат основа за пораст на вкупните депозити и генерално имаат стабилен
тренд.

„Имајќи ги предвид перспективите на црногорската економија и
очекувањата за позитивен реален раст, како и интензивирањето на интеграцијата
во ЕУ, Централната банка очекува продолжување на трендот на раст на депозитите
со умерен интензитет во наредниот период“, вели
ЦБЦГ.

ФОТО: Unsplash/Robert Anasch