МЗ: Здравствените установи подготвени со дежурни екипи за новогодишната ноќ, апелираме на мирно и одговорно прославување
Министерството за здравство информира дека сите јавно-здравствени установи во Република Северна Македонија во пресрет на одбележувањето на новогодишната ноќ се подготвени со дежурни екипи за обезбедување на потребната здравствена заштита кај пациентите.
Со цел избегнување на несакани последици како алкохолни труења и сообраќајни незгоди, апелираме до граѓаните да прославуваат мирно и одговорно со консумирање на алкохолни пијалоци во умерени количини и да внимаваат на прекумерното внесување храна. Спречувањето на интоксикацијата со алкохол на новогодишната ноќ е важно за здравјето на поединецот и за здравјето на најблиските.
Апелираме да не се користат и разни пиротехнички средства кои може да предизвикаат тешки телесни повреди.
На сите граѓани им посакуваме среќни новогодишни и божиќни празници.
