МВР ги проверува седумте кандидати за претседател на Македонија

Се проверува дали се македонски државјани, со наполнети 40 години и дали престојувале во државата во 10 од последните 15 години. 2.610 нашинци од дијаспората ќе гласаат на седмите претседателски избори.

Истекува рокот од 24 часа, МВР треба да ги достави до ДИК проверките за седумте претседателски кандидати. Се проверува дали се македонски државјани, со наполнети 40 години и дали престојувале во државата во 10 од последните 15 години.

2.610 нашинци од дијаспората ќе гласаат на седмите претседателски избори. За парламентарните, нема доволно пријавени.

Гласањето треба да се организира во 24 земји. Најмногу прифатени барања за гласање има во Германија, а најмалку во Кина, каде само 12 наши државјани се пријавиле да гласаат на претседателските избори.