Мотивираните Германци ја распарчија Шкотска уште во првото полувреме!
Германија поведе уште во 10. минута со гол на Вирц, тоа беше првиот погодок на Европското првенство.
Само девет минути подоцна следуваше гол на Мусиала за дуплирање на предноста.
За ситуацијата на Шкотска да биде уште поцрна се погрижи Портеус кој направи опасен старт врз Гундоган, доби црвен картон и беше покажан пенал за Германија.
Хаверц беше сигурен реализатор на најстрогата казна за водство по првото полувреме од 3-0.
Шкотска во вториот дел ќе игра со играч помалку и се чини дека мака ќе мачи против разиграната Германија.
