Модниот бренд „Funky Buddha” за прв пат на македонскиот пазар во Diamond Mall
„Funky Buddha“, главниот моден бренд на грчката компанија „Altex S.A.”, влегува на македонскиот пазар со отворање на својата прва продавница во трговскиот центар Diamond Mall. Продавницата е лоцирана на првиот кат на молот и нуди модерна облека и обувки за мажи и жени, како и различни модни додатоци.
Брендот „Funky Buddha“ се карактеризира со минималистичка естетика и дизајн инспириран од урбаната култура. Брендот е верен на принципите за одржливост и одржлив развој, нудејќи високо квалитетна, удобна и достапна облека со уникатен карактер.
Во новата продавница на „Funky Buddha“ во Diamond Mall се достапни најновите модели на брендот од сезоната есен-зима 2025 година. Можат да се најдат и многу уникатни модни додатоци, кои се вистинско уживање за љубителите на модните трендови.
Основана во 2005 година, „Altex S.A.“ е модна компанија за дизајн и дистрибуција на облека и модни додатоци. Компанијата има мрежа од над 70 продавници во Грција и Кипар и постепено го шири своето присуство во други земји. Вработува 350 вработени и има годишен обрт од 44 милиони евра.
Со новата продавница на уште еден ексклузивен моден бренд Diamond Mall дополнително ја збогатува својата шопинг понуда и нуди нов урбан шмек во градот. Покрај шопинг сегментот, кој го сочинуваат 150 продавници, Diamond Mall ја има и Гурманската авенија (Gourmet Avenue), каде што се лоцирани модерни ресторани и кафулиња и Зоната на соништата (Dream Zone), која е најголем едукативно-забавен центар за деца и млади кај нас.
