Министерот за култура на Србија објави дека го претепале
Министерот за култура Никола Селаковиќ синоќа бил претепан во Белград, потврди и српскиот претседател Александар Вучиќ на Инстаграм.
Селаковиќ наводно бил кај родителите кога непознати лица го пресретнале и го нападнале. Полицијата трага по напаѓачите.
„Министерот Никола Селаковиќ е нападнат во близина кај Црвениот крст, пред зградата во која живеат неговите родители, сега е на лекар, се утврдува степенот на повредите, по што ќе оди во полиција и ќе поднесе пријава“, пренесува Информер.
Српскиот претседател Александар Вучиќ соопшти дека бил извршен напад врз министерот за култура Никола Селаковиќ.
„Сакам да ве повикам да го зачувате мирот, бидејќи тие не можат да ја победат пристојната Србија. Тие вечерва го нападнаа и министерот Селаковиќ. Тие мислат дека решиле некој проблем со тоа. Тие само уште еднаш покажаа што навистина мислат за демократијата во земјата и како би се однесувале со луѓето кои мислат поинаку од нив“, рече претседателот Вучиќ на Инстаграм профилот
