
МИНИСТЕРОТ БАНОЖИЌ ОДЕЛ НА ЛОВ И СЕ СУДРИЛ, ЗАГИНА ВОЗАЧОТ НА КОМБЕТО: Нема алкохол во крвта, први извештаи за состојбата
Министерот за
одбрана на Хрватска, Марио Баножиќ утрово доживеа сообраќајна несреќа во која
едно лице загина. Министерот управувал со сопствено возило кое се судрило со
комбе. Загинал возачот на комбето.
Несреќата се
случила во 6 часот и 15 минути, на излезот од Винковци во правец кон Жупања. Од
Жупаниската општа болница Винковци потврдија дека министерот е тешко повреден. Има сериозни повреди на главата, но владиниот портпарол изјави дека не е во животозагрозувачка опасност. Тој од
болницата Винковац ќе биде пренесен во КБЦ Осиек. Во болницата Винковац бил
примен во 08:30 часот.
Се уште не е
познато како точно се случила несреќата. Како што се дознава, Баножиќ одел на
лов кога се случила несреќата.
Неофицијално: Баножиќ немал алкохол во крвта
Според
прелиминарните и неофицијални податоци, утврдено е дека Баножиќ немал алкохол
во крвта.
Сакал да
заобиколи камион и се судрил со комбето
24сата пишува дека
несреќата се случила кога камион министерот со својот џип сакал да заобиколи
камион, по што се судрил со комбето, а на патот имало густа магла. Но, оваа
информација се уште не е потврдена, пишуваат хрватските медиуми.
