МИНИМАЛЕЦ ОД 450 ЕВРА СЕГА: ССМ бара власта да не го чека март, веднаш да зголеми

Синдикатите бараат минималната плата да се зголеми сега, бидејќи како што велат, март е далеку. 

Синдикатите бараат минимална плата од 450 евра сега и повикуваат Владата итно да го свика социо-економскиот совет. Тие апелираат да не се чека законскиот рок во март за зголемување на минималецот, кој според нив треба да изнесува 1.800 денари поради растот на трошоците за живот и просечната плата.

Од Сојузот на синдикати на Македонија(ССМ) посочуваат дека март е предалеку и очекуваат минималната плата од 27.600 денари да биде воведена пред Нова Година. Во Босна и Херцеговина(БиХ) минималецот веќе е зголемен двојно, од 310 на 600 евра. Во Црна Гора се зголеми на 600, односно 800 евра, зависно од степенот на образование. Македонија заостанува. Сега минималецот е 22.500 денари.