МИЛАНОВИЌ ДАВА ПОДДРШКА НА КОСОВО: Повика европските земји кои не го признале, да го сторат тоа
Претседателот на Хрватска, Зоран Милановиќ вели дека оние земји од Европската Унија(ЕУ) кои не го признале Косово, треба да го стора тоа. Тој денеска во разговор со косовскиот премиер, Албин Курти, изјави дека се исполнети сите услови за целосно меѓународно признавање на Косово.
Тој потврди дека Косово има целосна и цврста поддршка од Хрватска на неговиот пат кон членство во сите меѓународни асоцијации.
Милановиќ изјави дека е неопходно нормализација на односите меѓу Косово и Србија, бидејќи тоа би значело поголема стабилност во Југоисточна Европа, што, како што се наведува, е и во хрватскиот национален интерес.
Инаку, Милановиќ и претходно апелираше за признавање на Косово, но и велеше дека треба да се престане да се говори дека Косово е Србија.
