Мила Царовска: Апсурдно е да има голема побарувачка на пазарот на труд, а луѓе со години да добиваат социјална помош
Поранешната министерка за образование и за труд и социјална политика Мила Царовска во емиисјата „Трилинг“ рече дека државата не смее долгорочно да дозволи исплаќање на социјална помош за загрозените со години, а при тоа на пазарот на труд да има се поголема потреба од нови вработувања. Таа додаде и дека во ситуација на криза потребно е да се воведе прогресивно оданочување, чиј старт оваа година државата не го одобри.
– Социјалната мапа со години се провлекува низ призмата на Министерството за транспорт и социјална политика. И како поранешна минситерка и како работник за социјална политика, ова прашање на социјална нееднаквост ако го гледаме само низ призма на социјална помкш, нема да стигнеме далеку. Сите останати институции треба да се вклучат во намалување на социјалната нееднеквост, потребно е образование и работа на здравството како сеопшта благосостојба. Имаме голема побарувачка на пазарот на труд, а луѓе од друга страна кои долго време добиваат социјална помош. Пред две години зборувавме за ова, почнаа одредени процеси и денеска не зборуваме за оние кои имаат потреба од прогресивни даноци. Тоа е еден од начините за вие да направите редистрибуција, порача Царовска.
За државата да произведува доброплатени работници, како што рече поранешната министерка, треба да ги подготвува за пазарот на труд уште од основно училиште.
– Сега веќе проблемот не е таму да кажеме, работодавачите денеска навистина имаат волја да платат, но не можат да најдат продуктивни работници за да ја движат компанијата во нејзиниот развој. Ако сега се вратиме дека едно од решенијата е дуално образование е едната опција, но треба да обезбедиме добро општо образование од основно училипште, за да се создадат граѓани кои веруваат во доброто и да ги почитуваат граѓанските концепти. Треба да се создадат млади генерации – работници, рече Царовска во студиото.
