Михов: Обвинението против Емил Митев е правно и фактички неосновано
Адвокатот Марјан Михов, бранител на пазарниот инспектор Емил Митев, денеска пред судот оцени дека обвинението против неговиот клиент претставува правно погрешно и фактички неосновано проширување на кривично-правната одговорност.
Тој додаде дека не е јасно како дејствија од пред повеќе години можат да се третираат како тешки кривични дела против општата сигурност, ниту како може да се утврди умисла кај Митев за настанатите последици.
Одбраната, истакна Михов, ќе докаже дека обвинението се базира на општи „бланкетни“ норми без конкретна индивидуализација на повредите. Митев, како што рече, во 2012 година не бил инспектор, туку советник за управни работи, присуствувал само двапати во објектот и тоа во придружба на овластени инспектори.
Тој заклучи дека обвинението не го зема предвид реалниот контекст и правната логика на овластувањата, поради што е правно неодржливо.
