Мицкоски за Прочка: Нека овој ден биде поттик да се приближиме едни кон други
Претседателот на Владата, Христијан Мицкоски денеска упати порака по повод големиот македонски празник Прочка.
Тој вели дека овој ден нè потсетува на големото значење на простувањето, смирението и човечката блискост.
„Во брзината на секојдневието, често пати забораваме дека вистинската сила е во способноста да покажеме разбирање за потезите на другите и да продолжиме напред со чисто срце. Овие длабоки гестови не се само обичај, туку силна порака дека никој не е безгрешен и дека секој има можност да покаже добрина наместо гнев. Нека овој ден биде поттик да се приближиме едни кон други, да ги надминеме недоразбирањата и да ја зајакнеме вербата во заедништвото. Само со меѓусебна почит и искреност можеме да создадеме посилно и поправедно општество. За многу години!“, напиша Мицкоски.
