Мицкоски се сретна со криптовалутерот Девасини
Премиерот Христијан Мицкоски денеска објави дека покрај средбата со основачот на Рамбл, Крис Павловски, имал состанок и со сопственикот на Tether (USDT), криптовалутерот Џанкарло Девасини.
„Денеска имавме чест и задоволство да оствариме прекрасна средба со Крис Павловски и Џанкарло Девасини, двајца исклучителни луѓе со силна визија, страст и желба за позитивна трансформација.
Џанкарло, како сопственик на Tether (USDT), е еден од највлијателните луѓе во светот на криптовалутите, а неговата посветеност кон иновациите и глобалниот развој е навистина инспиративна.
Разговаравме за идеи, потенцијални соработки и заеднички иницијативи кои можат да донесат вистински промени.
Благодарни сме за нивната поддршка, визија и вербата во македонскиот потенцијал. Ваквите средби се потсетник дека со вистинските луѓе, сè е можно“, порача Мицкоски.
