Мицкоски: Работничките права се прекршени и погазени, заедно да ја направиме Македонија повторно силна
Лидерот на ВМРО-ДПМНЕ, Христијан Мицкоски денеска по повод Меѓународниот ден на трудот истакна дека во државава работничките права се прекршени и погазени.
„Денес работничките права се прекршени и погазени. Државата многу малку води грижа за тие кои создаваат и се р’бетот на нашата економија. За мобингот врз работниците многу ретко се зборува, но најголемиот проблем се платите кои ги изеде инфлацијата. Тие не се доволни ниту за половина од потребната потрошувачка кошница. Проблемите се многубројни, но решенијата мора да ги носиме заедно и одлучно. Првиот чекор се промените кои мора да се случат, и тие промени се во ваши раце. Заедно да ја направиме Македонија повторно силна, голема и твоја. Честит 1 мај, меѓународен ден на трудот!“, вели Мицкоски.
