Мицкоски: Недостасуваат 40 милиони евра за пензии

Премиерот Христијан Мицкоски денеска при посетата во Драчево рече дека од септември ќе има линеарно зголемување на пензиите за 2.500 денари, но и дека во моментов недостасуваат околу 40 милиони евра во буџетот и најави истрага.

– Деновиве работиме на уште едно ветување, а тоа е линеарно зголемување годинава на пензиите на пензионерите. Во оној првичен буџет што е поминат за оваа година, недостасуваат уште 2,5 милијарди денари. Со нивелирањето сега во септември, ќе има линеарно зголемување ќе биде 2.500 денари и следното ќе биде во март за уште 2.500 денари.

Сепак, најпрво треба да обезбедиме со ребалансот уште 2,5 милијарди денари. Тоа е околу 40 милиони евра за тековните пензии. Во овој буџет тие пари недостасуваат. Се трошеле за работи за кои што мислам дека многу ќе се занимаваат истражните органи за периодто кој што следи. Ќе се обезбедат и дополнителни 2,5 милијарди денари во наредните денови за линераното зголемување, рече Мицкоски.