Мицкоски на средба со Крис Павловски и Џанкарло Девасини: Се разговарало за идеи, потенцијални соработки и заеднички иницијативи

Премиерот Христијан Мицкоски на својот Фејсбук профил истакна дека имал средба со Крис Павловски и Џанкарло Девасини.

Како што вели, се разговарало за идеи, потенцијални соработки и иницијативи.

„Денеска имавме чест и задоволство да оствариме прекрасна средба со Крис Павловски и Џанкарло Девасини, двајца исклучителни луѓе со силна визија, страст и желба за позитивна трансформација.

Џанкарло, како сопственик на Tether (USDT), е еден од највлијателните луѓе во светот на криптовалутите, а неговата посветеност кон иновациите и глобалниот развој е навистина инспиративна.

Разговаравме за идеи, потенцијални соработки и заеднички иницијативи кои можат да донесат вистински промени.

Благодарни сме за нивната поддршка, визија и вербата во македонскиот потенцијал. Ваквите средби се потсетник дека со вистинските луѓе, сè е можно“, напиша Мицкоски.