МЕТЕО АЛАРМ ЗА МАКЕДОНИЈА: Утре врнежи од снег на цела територија

Утре на места ќе има повремени врнежи претежно од снег, а во сабота со северен ветер ќе има провејување на слаб снег. Потоа ќе се задржи студено време, со утрински температури под нула, а услови за повремен снег ќе има во вторник.

ВРЕМЕТО ДЕНЕСКА

Облачно и студено со повремени врнежи од дожд и снег, а само снег на повисоките места и на планините. Врнежите ќе бидат позастапени во јужните и источните делови. На планините висината на снежната покривка ќе се зголеми, а нова ќе се формира и во некои од пониските места. Ќе дува слаб до умерен ветер од југоисточен правец.

Максималната температура ќе биде во интервал од 0 до 4 степени.