МЕТЕО АЛАРМ за Македонија: Доаѓат врнежи од дожд – еве какво ќе биде времето за Велигден
Во петок под влијание на атмосферски фронт на повеќе места се очекуваат поројни врнежи од дожд. Локално процесите ќе бидат во форма на краткотрајно невреме проследени со грмежи и со силен ветер (над 70 км/час).
Во сабота ќе настапи преодно стабилизирање на времето.
Од недела и во следните денови времето повторно ќе биде променливо облачно со повремени врнежи од дожд, а локално ќе бидат поројни, проследени со грмежи.
Во Скопската Котлина во петок претпладне ќе има пороен дожд со засилен ветер и услови за појава на грмежи. Во сабота се очекува претежно сончево време, а во недела и во следните неколку денови времето ќе биде променливо облачно со повремени врнежи од дожд.
