Меџити: Ќе нѐ мерите по завршени километри, не по потрошени зборови
Првиот вицепремиер Изет Меџити денеска на поставувањето камен-темелник за изградбата на автопатот Тетово-Гостивар истакна дека пред само неколку години, единствените „градежни“ активности што ги гледале биле гламурознипресконференции и камери насочени кон ленти што никогаш не се пресечени со асфалт.
„Ништо не се градеше. Денеска, наместо фотообјективи, околу нас трешти звукот на булдожери, багери и камиони. Ние не снимаме рекламниспотови – градиме иднина. Градиме патишта за нашиот народ. Коридорот 8 е повеќе од пат. Тоа е европска артерија што ги поврзува Јадранот со Црното Море, го поврзува срцето на Балканот. Нашата стратешка одлука е јасна: Македонија јазавршува својата делница и ја носи Европа на Балканот, а Балканот – во Европа. Со почетокот на овој автопат, го претвораме Полошкиот регион во раскрсница на можности и инвестиции, работни места, го скратуваме патот меѓу Скопје, Охрид и Струга, и ја приближуваме границата кај Ќафасан кон секој наш дом и секоја бизнис идеја што чека пазар. Создаваме можности да си ги вратиме децата дома“, истакна Меџити.
Тој и се заблагодари на амбасадорката на САД, Ангела Агелер, за континуираната поддршка.
„Вашето присуство денес е доказ дека стратешкото партнерство меѓу Северна Македонија и Соединетите Американски Држави не е само на хартија,туку и на чекан, бетон и челик. На работа и на инвестиции. Ви благодариме“, порача Меџити, а потоа упати и благодарност до тимот на БехтелЕнка и достручните служби на Јавното претпријатие за државни патишта.
„Не градиме само автопат – градиме доверба. Во исто време инвестираме во локални улици, канализациски и водоводнимрежи, училишта и амбуланти. Комбинацијата од државни и општински проекти значи дека секоја општина чувствува дека Владата е тука – со реални средства и реални резултати. Оваа година Македонија е едно големо градилиште. Од Кривопаланечко до Ресенско, од тетовско до долненско, од дебарско, до струмичко – каде и да одите, ќе наидете на сигнализација за градилиште. Тоа не е случајност, тоа е план. Затоа што нашите граѓани заслужуваатинфраструктура што го скратува времето, ја зголемува безбедноста и го подобрува квалитетот на живот“, порача Меџити.
Како што вели, денес се поставува камен-темелник на проект вреден 90 милиони евра.
„Дозволете ми да завршам со едно просто ветување: Ќе нѐмерите по завршени километри, не по потрошени зборови. Денешниот темел е симбол на таа политика – политика на дела, а не на празни фрази“, вели Меџити.
