МАСЛИНОВОТО СТАНУВА ЛУКСУЗ ЗА ШПАНЦИТЕ: Почнаа почесто да купуваат сончогледово масло

Маслиновото масло станува прескапо за потрошувачите. 

До оваа година, маслиновото масло беше најпопуларно во шпанските домаќинства и покриваше 62 отсто од продажбата, а сончогледово околу 34 отсто, покажуваат податоците на шпанското Министерство за земјоделство.

„Јасно е дека потрошувачката на маслиново масло во Шпанија опаѓа. Има домаќинства што купувале само маслиново масло, а сега за прв пат купуваат и сончоглед и маслиново масло“, велат од здружението. 

Во првите шест месеци од 2024 година, според Anierac, обемот на продажбата на маслиново масло е намален за 18 отсто, а продажбата на сончогледовото масло се зголемила за 25 отсто во споредба со истиот период во 2023 година. Ова го покажуваат официјалните податоци. Ројтерс наведува дека, според официјалната статистика, едно литарско шише сончогледово масло во просек чини 1,86 евра, а маслиновото масло чини 6 евра. Тоа е 50 отсто повеќе од 2022 година.

Шпанија е најголемиот светски производител на маслиново масло и покрива околу 40 отсто од испораките. Но, сушите направија штета и родот е помал.