МАРКЕТИТЕ НА ЛИДЛ ПОЧНАА СО НАМАЛУВАЊЕ НА ЦЕНИТЕ – компанијата во Хрватска со специјална акција

Иницијативата на Владата и Министерството за економија и одржлив развој е во согласност со планираната политика за намалување на цените на Лидл, која започна на 4 септември, објави во средата трговскиот синџир во Хрватска.

Во тој синџир велат дека ја поддржуваат иницијативата и дека Лидл „уште пред поканата на Владата за состанок почнал самоиницијативно да ги намалува цените“.

Велат дека на 4 септември почнала „специјална акција во продавниците на Лидл“ при што на одредени производи секоја недела ќе им биде попуст од 50 проценти.

Додаваат дека од 11 септември Лидл трајно намалил некои производи од редовната понуда и до 33 отсто.

Секоја недела Лидл трајно ќе ги намалува цените на различните категории на производи, како што се основните прехранбени производи и други, се вели во соопштението.

Нагласено е дека маржата на Лидл не пораснала во однос на минатата година, што е видливо од јавно достапните финансиски извештаи, а дополнително, Лидл „постојано инвестира во промотивни понуди“, кои влијаат на до 300 производи од асортиманот на Лидл неделно.

Од првите нарушувања на глобалните пазари, Лидл Хрватска вложува извонредни напори да ги амортизира ефектите од поскапувањата врз своите крајни клиенти, велат од синџирот.

Пословни.хр