Марјан Ристески убеден: Законот за нефер трговски практики започнува од 28 септември, следуваат пониски цени

Заменик-министерот за економија Марјан Ристески по средбата со прилепските бизнисмени соопшти дека Законот за нефер трговски практики на прехранбени и земјоделски производи ќе донесе пониски цени за потрошувачите.

За околу 2.500-тини типови на производи во маркетите ќе биде ограничен рабатот на најмногу 10 отсто во односот помеѓу добавувачите и трговците. Поранешниот градоначалник на Прилеп е категоричен дека законот стапува на сила на 28 септември.

На стопанствениците, кои изминатиот период со недоверба гледаа на ова законско решение и тврдеа дека нема да има време да се имплементира, Ристески им порача дека рокот за тоа бил шест месеци. Сомнеж дека ќе се имплементира овој, барем на хартија, круцијален пропис против инфлацијата, изразија и некои политичари од опозицијата, иако тој беше изгласан и предложен кога тие беа на власт.

На Седницата пред присутните го презентиравме новиот Закон за нефер трговски практики за прехрамбени и земјоделски производи, каде главен новитет е попрецизното дефинирање на сите односи помеѓу добавувачите и произведителите со трговците, каде во однос на рабатот и другите ставки при креирањето на цените, истите не смеат да бидат повисоки од 10 отсто при склучувањето на нивните договори.

Со овој закон се става крај на нефер односот на неодговорни поединци, каде овој процент често беше над 35 %, а неговата имплементација се надеваме ќе даде резултат со фер пазарна цена (пониска цена) на производите за крајните потрошувачи-граѓаните!!!

Законот е донесен во месец Март, во консултација со работодавачите, стопанските комори и здруженија кои се занимаваат со производство на храна и е работен според европска директива донесена во ЕУ во 2019-та година.

Со законот, кој стапува во сила од 28 септември, опфатени се 2540 земјоделски прехрамбени продукти“, порачаРистески.