Малолетници се возеле со автомобил, па излетале од коловоз – двајцата се повредени
Во неделата, двајца тинејџери возеле автомобил, па излетале од патот, при што совозачот е тешко повреден, а возачот, полесно.
На 28.09.2025 во ОВР Прилеп е пријавено дека на регионалниот пат с.Кривогаштани- Крушеани, патничко возило „дфск“ со битолски регистарски ознаки, управувано од 16-годишник од с.Трновци, општина Могила, излетало надвор од коловозот. Во несреќата со тешки телесни повреди се здобил 15-годишен сопатник од с.Бела Црква, општина Кривогаштани, а со телесни повреди се здобил возачот, констатирани во Општа болница Прилеп, соопшти полицијата.
Извршен бил увид од увидна екипа од ОВР Прилеп.
