МАЛИ ПРИНОСИ ВО СВЕТОТ: Поскапуваат житарките
Се зголемија светските цени на житарките и на млечните производи.
Цените на прехранбените производи се зголемија трет последователен месец во мај, објави денеска Организацијата за храна и земјоделство на Обединетите нации (ФАО).
Во извештајот на ФАО стои дека цените на житарките во мај во однос на април се зголемија за 6,3 отсто. Тоа е резултат на растот на глобалните извозни цени на пченицата, како одраз на зголемената загриженост за неповолните услови на земјоделските култури кои ги намалуваат приносите за жетвата во 2024 година во главните производни области, вклучувајќи делови од Северна Америка, Европа и регионот на Црното Море.
Во мај се зголемени извозните цени на пченката. Цените се поттикнати од загриженоста за производството и во Аргентина, поради болеста Спироплазма (исто така позната како пченкарна болест), и во Бразил, поради неповолните временски услови, како и последиците од прелевањето на пазарите на пченица и ограничените продажна активност во Украина.
Цените на сите видови на ориз се зголемија за 1,3 отсто во мај.
ФАО соопшти и дека цените на цените на млечните производи во мај се зголемиле за 1,8 отсто во однос на април како резултат на зголемената побарувачка од секторите за малопродажба и услуги за храна пред летните одмори, како и од очекувањата на пазарот дека производството на млеко во Западна Европа може да падне под историските нивоа. Обновената увозна побарувачка за набавки на самото место од некои земји од Блискиот Исток и Северна Африка, исто така, ги зголеми цените на млечните производи.
Во извештајот се наведува дека цените на шеќерот во мај се намалиле за 7,5 отсто во однос на април.
foto freepik.com
