Македонија неправедно поразена: Судијата срамно им подари два пенали на Чесите (ВИДЕО)

10/06/2024

Македонската фудбалска репрезентација не издржа до крај на гостувањето во Храдец Кралове и загуби со 1-2 во пријателскиот меч против Чешка, но дуелот ќе се памети по контроверзните одлуки на главниот судија Оченаш.

Чешка доминираше во првото полувреме против Македонија и имаше дури 10 шанси, а по една од нив топката заврши во мрежата на Столе Димитриевски, меѓутоа голот беше поништен од ВАР-технологијата.

Македонија успешно се бранеше до крајот на првите 45 минути и со 0-0 замина на паузата пред второто полувреме во кое се случи контроверзен момент кога беше досуден пенал за домаќините.

Судијата Оченаш покажа на белата точка, иако во дуел беа двајца Чеси, а останува нејасно зошто ВАР-собата не реагираше во овој случај. Чешка од пенал стигна до водство, откако Патрик Шик го матираше Димитриевски.

pic.twitter.com/U1Kp77RSRh
— 🎥 (@sajgoals787887) June 10, 2024

Радоста на Чешка не траеше долго бидејќи Македонија тргна во офанзива и неколку минути подоцна Александар Трајковски погоди статива, а потоа Исник Алими ја испрати одбиената топка во мрежата на домаќинот.

pic.twitter.com/MhfxL7HOa9
— 🎥 (@sajgoals787887) June 10, 2024

Чешка продолжи со нападите кон голот на македонските репрезентативци, а главниот судија повторно покажа на белата точка во 97. минута, по што Антонин Барак стрелаше за конечни 2-1.