Мајнц го избрка, а тој: Мојата загуба е ништо споредена со пеколот во Газа!
Откако беше вратен во тимот, во вторникот, Ел Гази продолжи со отворена поддршка за настраданите во Палестина, како намерата да му беше навистина да биде избркан. Откако тоа се случи, порача дека неговата лична загуба е ништо во споредба со хоророт на Палестинците.
„Застапувајте го тоа што е праведно, дури и ако тоа значи дека стоите сами. Мојата загуба е ништо споредена со пеколот којшто се случува врз невините и ранливите во Газа. Прекинете го убивањето!“, порача Ел Гази.
Тој е еден од најгласните, меѓу неколкумината фудбалери кои добија суспензија или беа отстранети од своите клубови, затоа што изразуваат став за војната во Газа, најчесто поддршка за Палестинците. Дојде во Мајнц ова лето, од ПСВ, но не се изнаигра и се појави само на три средби.
