МАЈКИ НАПАДНАТИ ОД СОПСТВЕНИТЕ ДЕЦА Два шокантни случаи за едно деноноќие во Охрид

Две мајки завршија под полициска заштита по жестоки семејни расправии во Охрид и охридско село, каде нивните деца физички ги нападнале во домашна атмосфера.

Првиот инцидент се случил рано утрово, околу 06:35 часот, на улицата Јане Сандански во Охрид. Според полицијата, 24-годишен охриѓанец физички ја нападнал својата 50-годишна мајка по вербална расправија. Полицајците од СВР Охрид брзо интервенирале и го лишиле од слобода напаѓачот. Против него ќе биде поднесена соодветна пријава по документирање на случајот.

Вториот напад бил пријавен синоќа околу 20 часот во едно охридско село. Таму, 35-годишна жена, во расправија со својата 62-годишна мајка, употребила тврд предмет и ѝ нанела повреди. И во овој случај, полицијата веднаш реагирала и ја привела напаѓачката, против која ќе следува пријава.

.