Лугано и Цеље го приредија спектаклот на сезоната во Конференциската лига (ВИДЕО)
На гостувањето кај Лугано, Цеље загуби со 4-5, но победникот беше одлучен на пенали бидејќи на првиот меч на домашен терен, словенечкиот тим славеше со 1-0. Натпреварот слободно може да се прогласи за спектакл на сезоната во Конференциската лига бидејќи покрај тоа што беа постигнати девет гола, изобилуваше со пресврти.
Лугано водеше со 3-1 по првото полувреме и 4-2 до петтата минута од судиското продолжение на вториот дел кога Хајдари направи пенал и му овозможи на Куцис од пенал да намали на 4-3 и со тоа да се избори за нови 30 минути. Во нив Нието израмни на 4-4 и се чинеше дека Цеље ја заврши работата за во 118. минута возбудувањата да доживеат кулминација по голот на Думбиа за 5-4.
Сепак, во пенал-серијата домашните фудбалери не се снајдоа, тројца од нив промашија и Цеље со 3-1 се пласира во четвртфиналето од Конференциската лига.
