Луј Витон ќе се олесни за 440.000 евра

Француската компанија за луксузни производи „Луј Витон“ е казнета со пет милиони круни (околу 440.000 евра) во Шведска, откако клиент во неколку наврати плаќал големи суми во готовина во продавница во Стокхолм, кршејќи ги одредбите од Законот за перење пари, се вели во пресудата на Управниот суд.

„Луј Витон, меѓу другото, му дозволи на клиентот да купи во готовина за 235.000 круни (околу 20.500 евра) во 13 наврати во краток временски период“, рече Карина Кутлип, шефица на единицата за корпоративен и безбедносен надзор во Административниот одбор на округот Стокхолм, пренесува СВТ.

За да се запре перењето пари и финансирањето на тероризмот, воведени се построги контроли на плаќањата во готовина.