ЛИДЛ МАКЕДОНИЈА СЕ ЕКИПИРА, НОВИ ВРАБОТЕНИ МУ СЕ ПРИКЛУЧИЈА НА ТИМОТ – кога ќе стартуваат со работа првите маркети
Кога ќе ги имаме првите отворени маркети на Лидл во Македонија се уште немаме прецизна информација, но затоа една работа е извесна, а таа е дека се екипира тимот на Лидл Македонија.
Компанијата тоа го објави на својот Линкедин профил, заедно со фотографија од новите вработени.
„Запознајте ги нашите нови колеги. Минатиот петок пречекавме уште една група членови на Lidl во тимовите за набавка, ИТ, администрација и човечки ресурси. Возбудени сме што растеме заедно! Добредојдовте во #teamlidl!“, се вели на Линкедин објавата на Лидл Северна Македонија.
Како што е познато, неодамна беше завршена изградбата на првиот маркет на Лидл во земјава, и тоа во Битола, а се работи и на отворање маркети во Скопје и Кавадарци, а се планира нив да ги има и во Штип, Тетово и Кичево.
Лидл гради и логистички центар во Куманово, а неодамна го купи и објактот Бриколаж од Скопски пазар, за сума од над девет милиони евра.
