ЛАНИ Е СОБОРЕН РЕКОРД: Која земја купи најмногу злато?
Минатата година е соборен рекордот во светската продажба на злато.
Светската побарувачка по злато во 2024 година достигнала највисоко ниво откако Светскиот совет за злато (ВГЦ) ги објавува податоците, а големи купувачи повторно биле централните банки, особено во четвртото тромесечје. Побарувачката лани достигнала 4.974,5 тони и е поголема за еден отсто отколку во 2023 година.
Најмногу злато, според податоците на ВГЦ, купила полската централна банка, обезбедувајќи 90 тони за резервите, а зад неа следуваат Индија и Турција.
Златото лани на физичкиот пазар поскапело 27 отсто, најмногу од 2010 година, бидејќи инвеститорите биле во потрага по безбеден имот. Цените на златото достигнаа ново рекордно ниво поради засилените трговски тензии меѓу Кина и САД.
