КРВАВ ПОЛЗЕШЕ ПРЕД ХОТЕЛОТ – Во Загреб брутално претепан спрпски претприемач, еве кого обвинува

Саша Мирковиќ, српски претприемач, музички продуцент и сопственик на „Хајп Телевизија“, бил претепан пред хотелот „Шератон“ во центарот на Загреб, објавија српските медиуми.

Според нивните искази, Мирковиќ и уште еден маж се сретнале на влезот во хотелот, по што дошло до вербален конфликт кој прераснал во физичка пресметка. Сè се случи денес околу 12:30 часот. „Телеграф“ објави снимки на кои се гледа како крвавиот Мирковиќ лежи на тротоарот, веднаш по тепачката. Набрзо пристигнала брза помош и го однела во болница.

Загрепската полиција потврди дека примила пријава во саботата во 12:50 часот дека пред хотел на улицата Кнеза Борне се случил конфликт меѓу двајца мажи и дека едниот од нив бил пренесен во болница. „Во тек е кривична истрага и се утврдуваат сите околности на инцидентот“, соопшти Полициската управа во Загреб.

Менаџерот на Цеца обвинет за напад

Мирковиќ потврди дека бил физички нападнат и за нападот го обвини менаџерот на Светлана Ражнатовиќ Цеца, Велибор Поповиќ Поп. Тој рече дека бил нападнат одзади и го окарактеризира потегот како „обид за убиство“.

„Добро сум, во Загреб сум бидејќи вечерва Теа Таировиќ го има својот распродаден самостоен концерт“, ја започна Поповиќ својата верзија од приказната за Телеграф.

„Ќе ви кажам точно како се случи. Стоев пред хотел во Загреб кога пред влезот застана црн џип со загрепски регистарски таблички. Не обрнав внимание сè додека Саша Мирковиќ не излезе од возилото. Потоа веднаш се упати кон мене и почна да ги навредува моите деца. Потоа избувна тепачка, но тој беше првиот што нападна, што јасно се потврдува со снимките од местото на настанот. Ништо од она што сега се обидува да го изнесе во јавноста не е вистина. Сите обиди да се предизвика сочувство и да се создаде лажна слика за тоа што навистина се случило нема да успеат. Сè е јасно видливо на снимките и нема лаги“, рече тој.

Менаџерот додаде дека освен физичкиот конфликт, ништо друго не се случило и нагласи дека неговата чест и углед му се најважни, како и заштитата на неговото семејство и пријателите.

„Цврсто стојам зад сè што реков, никогаш не сум бегал од одговорност и ни сега не бегам“, заклучи Поповиќ за Телеграф.

Велибор Поповиќ е познат како менаџер на популарни пејачи, Теа Таировиќ, Анѓела Игњатовиќ Бресквица, Стоја Новаковиќ, Едита Арадиновиќ, МЦ Стојана, Зорана Миќановиќ и многу други.

Фото: Принтскрин Телеграф.рс