Ковачевски: Предвремено го реализиравме ветувањето за 500 евра плата, денес просечната плата е 630 евра

Претседателот на СДСМ, Димитар Ковачевски денеска истакна дека предвремено го реализирале ветувањето за 500 евра плата.

„Со вакви правилни политики и грижа за сите во државата, Владата предводена од СДСМ во мојот мандат предвремено го реализираше ветувањето за просечна плата од 500 евра. Денес просечната плата е над 630евра.И не само просечната, го остваривме и ветувањето за минимална плата. Застанавме на страната на работниците и конечно системски го решивме тој проблем, еднаш засекогаш“, посочи претседателот Ковачевски.

Тој се осврна и на методологијата за раст која беше воспоставена во 2022 година на почетокот на Ковачевски како премиер на Владата предводена од СДСМ.

Со поставената методологија, минималната плата континуирано расте и истата иако истата започна со 18.000 денари, со следното усогласување, ќе биде 22.500 денари.

Ковачевски ја потенцираше и разликата помеѓу минималната плата во 2016 кога изнесуваше 150 евра и денес, кога изнесува 370 евра, што е резултат меѓу другото и на фактот што Владата предводена од СДСМ е посветена на подобрување на животниот стандард на работниците и граѓаните, но и правилно менаџира со парите на граѓаните.