Ковачевски: Нашите инженери работат во Мекдоналс, партиите да ги усвојат уставните измени!
Премиерот, Димитар Ковачевски, побара од сите политички партии да ги усвојат уставните измени, со кои ќе се отвори патот за Македонија што поскоро да влезе во Европската унија.
Тој увери дека по отворањето на поглавјата во разговорите со ЕУ ќе бидат ангажирани сите капацитети на опозицијата, но и на власта, со цел земјата што поскоро да стане дел од ЕУ и да има корист од пазарот заеднички.
„Ние сме виделе како изгледа чекање, 17 години чекање, што донесе-ништо не донесе. Затоа, пратениците имаат обврска без разлика од која политичка партија без разлика од која политичка провиниенција се, лево, десно, центар, да донесат одлука за иднината на овие граѓани. Доста децата одеа во ЕУ да работат, треба тука да си работат. Ќе одат нашите инженери да работат во Мекдоналс, не бива таа работа, ќе дојдат тука да си работат“, порача премиерот Ковачевски на крајот од неговото обраќање на денешниот настан.
