Косовските фудбалери шутираа со топки кон публиката во Букурешт и заминаа во соблекувална! (ВИДЕО)
Причина за нивниот револт беа скандирањата од трибините „Србија, Србија“ што за нив претставувало провокација и расизам. Еден од фудбалерите го искажа својот гнев со тоа што ја шутна топката кон трибините, а потоа заедно со соиграчите и судиите замина во соблекувална.
Домашните играчи и уште 50 илјади гледачи останаа на стадионот чекајќи го конечниот исход, но по 15 минути стигна информација дека натпреварот нема да се доигра. Нејасно е каква ќе биде одлуката на УЕФА, а исходот од овој натпревар има големо значење и за македонската репрезентација во борбата за пласман во баражот за Светското првенство.
Што се однесува до репрезентациите на Романија и Косово, последната година тие водат вистински војни на теренот. Беа противници во квалификациите за Европското првенство во Германија и мечот во Букурешт одигран лани беше прекинат 50 минути од причини слични како денешните. Пред два месеца во Приштина романските фудбалери беа гаѓани со тврди предмети и димни бомби, на теренот влегоа домашни навивачи кои сакаа да се тепаат со нив и по тој меч се заканија дека ќе им приредат пекол на Косовците во Букурешт.
