КОШТА ЗА АЛБАНИЈА: Ако продолжи со овие резултати, можно е да биде член пред 2030 година
Претседателот на Европскиот совет, Антонио Кошта, на заедничката прес-конференција во Тирана, со премиерот Еди Рама рече дека Албанија може да влезе во Европската Унија(ЕУ) пред 2030 година.
„Не барам некој волшебен датум. Ќе ги гледаме достигнувањата на Албанија ден по ден. Зошто не порано? Зошто не пред 2030 година. Ако продолжи со овие резултати, можно е да биде член пред 2030 година. Сè зависи од вас. Резултатот од неделните избори уште еднаш ја потврди желбата на албанските граѓани за интеграција во ЕУ“, додаде Кошта.
Вели дека во наредните месеци е сигурен дека Албанија ќе заврши одлична работа и кога ќе дојде следната година, ова прашање повеќе нема да постои-Албанија наскоро ќе стане земја-членка.
Премиерот Еди Рама изјави дека Албанија ќе продолжи со реформите за да ги заврши преговорите со ЕУ во 2027 година, порачувајќи дека стои зад она што го кажал за време на изборната кампања, дека ова ќе биде мандатот на интеграција.
За Македонија, Кошта кажа дека треба да ги заврши преземените обврски.
