Концесиите носат развој: Средба на министерката Божиновска со градоначалникот на Јегуновце
Министерката за енергетика, рударство и минерални суровини, Сања
Божиновска и Државниот секретар Горан Јовановски, остварија работна посета на Општина Јегуновце, која со површина од 176,93 км² и
население од над 8.000
жители, е значаен центар за експлоатација на минерални суровини. Во рамките на
општината, неколку компании поседуваат концесии за експлоатација на минерални
суровини, издадени од Министерството за енергетика, рударство и минерални
суровини. Овие концесии придонесуваат за локалниот економски развој и
обезбедуваат значителни приходи во општинскиот буџет.
На средба со градоначалникот на општина
Јегуновце, Димитар Костадиноски, се дискутираше за тековните и идните проекти
поврзани со рударството и експлоатацијата на минерални суровини во регионот.
Министерката Божиновска и градоначалникот Костадиноски разговараа за
важноста на одржливото управување со природните ресурси, почитувањето на
еколошките стандарди и безбедносните протоколи при експлоатацијата. Исто така,
беше истакната потребата од транспарентност и соработка меѓу локалната
самоуправа и концесионерите, со цел максимизирање на бенефитите за заедницата.
Министерството за енергетика, рударство и минерални суровини останува
посветено на поддршката на општините како Јегуновце, преку обезбедување на
стручна помош и надзор во спроведувањето на законските обврски поврзани со
рударството и експлоатацијата на минерални суровини.
