Колку заработуваат српските граѓани?

Српските граѓани заработуваат над 700 евра во просек. Во Србија просечната плата во мај изнесувала 734 евра, но половина вработени работеле за помалку од 564 евра.

Бруто и нето заработката во периодот јануари-мај, во однос на истиот период минатата година, номинално се повисоки за 15,5 отсто, но реално се пониски за 0,1 отсто.

Во однос на истиот месец од претходната година, просечната бруто и нето заработка за мај 2023 година е номинално повисока за 16,2 отсто, а реално за 1,2 отсто. Просечната (бруто) плата во Србија пресметана за мај годинава e 118.992 динари, додека просечната (нето) плата без даноци и придонеси била 86.220 динари (734 евра), соопштија од Републичкиот завод за статистика на Србија (РЗС), јави дописникот на МИА од Белград. Просечната нето заработка изнесува 66.244 динари (564 евра), што значи дека 50 отсто од вработените оствариле заработка до тој износ.

Просечната нето плата во Хрватска исплатена во месец мај се зголемила и сега изнесува 1.133 евра. Македонците во просек заработуваат околу 600 евра.