Koлку пари испратила лани косовската дијаспора?
Косовската дијаспора лани испратила повеќе од милијарда евра во земјата.
Точната сума е 1,2 милијарди евра, односно за шест отсто повеќе одошто во 2021 година, јави дописникот на МИА од Приштина. Последните податоци на Централната банка на Косово (ЦБК), покажуваат дека освен со дознаки, дијаспората придонела и за создавање нови работни места преку отворање бизниси.
„Дознаките се карактеризираат со стабилен раст со текот на годините и се безбеден извор на приходи за многу косовски семејства; Што се однесува до инвестициите, дијаспората инвестира во бизниси во Косово, придонесувајќи за економски раст и отворање нови работни места“, се наведува во извештајот.
Пресметките на ЦБК покажуваат дека, преку дознаки (ремитенти), инвестиции и туризам, вредноста на придонесот на дијаспората во 2022 година во Косово достигнала 3,6 милијарди евра, што е повеќе од 40 отсто од Бруто домашниот производ (БДП).
foto freepik.com/travelstock86
