„Колку чини животот во Македонија?“, сестрата на Теодора со солзи во очите бара правда

Сестрата на Теодора Ристевска, која ја прегзи и усмрти Менсур Пајазити низ солзи праша „колку вреди животот во Македонија, колку вреди животот на сестра и“.

„Колку вреди животот во Македонија, колку вреди животот на сестра ми? Дали може некој да ја врати нејзината младост, мојата младост? Две години го осудија човеков, што уби човек. Две години го осудија. Дали некој ќе ми објасни некој колку вреди животот на сестра ми? Со две години треба да бидеме задоволни, со две години треба да и запалам свеќа и да и речам: со две години биди задоволна, ова е законот во Македонија. Не, не може со две години. Максималната казна од пет години мене нема да ми ја врати Теодора, ќе ми ја олесни маката, ќе каже на секој еден што ќе го доживее истово, не дај Боже, дека ќе има правда. Сите веруваа во правда и јас верувам. И јас верувам дека ќе се смени оваа од две години и ќе остане барем максималната казна. Верувам силно дека Теодора нѐ гледа и плаче“, рече Ева Ристовска сестра на Теодора.

Инаку, Менсур Пајазити, кој во септември во 2022 година, ја прегази 22-годишната Теодора Ристевска, судот во Тетово го осуди на само две години затвор откако тој призна вина.

Во септември 2022 година, 22-годишната Теодора беше прегазена во Тетово од БМВ кое го управувал 44-годишниот Пајазити. Тетовскиот суд во ноември во 2023 година, пресуди три и пол години затвор за возачот. Тој ја обжали казната, Вишото јавно обвинителство во Гостивар ја прифати жалбата, а Апелациониот суд во Гостивар ја намали казната на Пајазити на две години затвор.