КОЈ СЕ ДОБЛИЖИ ДО ЕДНА ЧЕТВРТИНА ОД КАПИТАЛОТ НА „РЖ УСЛУГИ“ – ќе успее ли зајакнатиот газда да ја спаси компанијата од зоната на загубите

Се окрупнува сопственоста во
скопската компанија „РЖ услуги“. Самото акционерско друштво вчера преку Берзата
извести дека нејзиниот мнозински акционер, Ѓорги Качурков, ја зголемил
сопственоста во компанијата и сега таа му изнесува над 24 проценти.

„РЖ УСЛУГИ Скопје ја известува
јавноста дека е настаната промена во сопственоста на акциите со право на глас.
Имено, Ѓорѓи Качурков како мнозински акционер ја зголемил сопственоста и се
стекнал со 47 800 акции,со што во во моментов поседува вкупно 24,17 проценти од главнината на акции
со право на глас во РЖ УСЛУГИ Скопје“,
се вели во објавата од компанијата до инвеститорската јавност испратена преку
Берзата.

Како што е познато, РЖ Услуги се занимава со
собирање, прочистување, призводство и дистрибуција на вода за пиење и
индустриска вода. Покрај тоа компанијата извршува и други дејности како што се
телефонски и интернет услуги, услуги за обезбедување и противпожарна заштита,
сервисирање на противпожарни апарати, производство и дистрибуција на гас,
техничко испитување и анализа, транспортни услуги, градежни услуги и др, се
вели во описот на дејноста на оваа компанија.

Според податоците
од Централниот депозитар за хартии од вредност, во моментов Ѓорги Качурков е
најголемикот акционер во РЖ услуги, и тој таму поседува за малку една
четвртина од компанијата, односно 24,17 отсто.

Веднаш после него,
со исто така солиден процент од акциите, е друштвото за енергетика „РИ
Енергоинститут ДООЕЛ Скопје“, кое поседува 16,34 отсто од акционерскиот
капитал, додека, пак, самите РЖ Услуги имаат 9,12 отсто од капиталот, што е
дозволено во услови кога некоја компанија сака да ја штити својата цена од
намалување.

Инаку, во оваа
компанија РЖ Услуги најголемиот дел од капиталот припаѓа на поситни
акционери, односно 2.825 домашни физички лица, кои поседуваат заедно 47,14 отсто
од вкупниот капиатал на компанијата.

Инаку, РЖ услуги е
компанија која тешко успева да работи позитивно, барем во последниве неколку
години, а според податоците од Берзата и од нејзините финансиски извештаи.

Па така, таа во
2020 година оствари загуба во своето работење, додека во 2021 година била
успешна и прикажала позитивен финансиски резултат. Затоа, пак, 2022
година, односно ланската, повторно ја завршува со минус, односно со загуба од
164 илјади евра.

Оваа компанија имала
загуба и за првите девет месеци од годинава, и тоа над 104 илјади евра, што е
пораст за 38 отсто во однос на загубата направена во истиот период од минатата
година.

Н.Н.Ф.