КИНЕЗИТЕ ПРЕСТАНАА ДА ДОСТАВУВААТ СТОКА ДО ИЗРАЕЛСКИТЕ ПРИСТАНИШТА: Хутите се преголема закана
Кинескиот државен
бродски гигант Cosco (China Ocean Shipping Company) најави суспензија на пратките
до израелските пристаништа, приклучувајќи им се на другите компании кои ги
суспендираа своите пратки во Израел по воведувањето на блокадата на Хутите на
Црвеното Море.
Cosco е четврта
по големина бродска компанија во светот и има 11 отсто пазарен удел во
трговијата.
Минатата година,
таа започна нова бродска рута за испорака на возила од кинеско производство во
Израел преку пристаништето Еилат, со што стана еден од главните конкуренти на
израелската бродска компанија ЗИМ, која претходно доминираше во бизнисот.
ЗИМ, исто така,
ги пренасочи своите бродови подалеку од Црвеното Море пред два месеци и ги
зголеми стапките на испорака поради операциите на Хутите.
Во изминатите
неколку години, додека кинеската автомобилска индустрија цветаше, кинеските
компании гледаа на израелскиот пазар како влезна точка за Европа.
Во текот на
првите два месеци од 2023 година, Израел стана трета најголема дестинација за
кинески извоз на автомобили. На крајот на минатата година, возилата од кинеско
производство учествуваа со 17,47 отсто од сите испораки на израелскиот пазар,
што е значителен скок од 4,8 отсто во 2022 година.
Покрај тоа,
кинеските брендови на возила, вклучувајќи го и кинеското производство Tesla,
доминираа во секторот за електрични возила во Израел, држејќи пазарен удел од
70%.
