Кина лансираше сонда во мисија да собира примероци од темната страна на Месечината
Кина лансираше лунарна сонда во петокот во мисија да собира примероци од темната страна на Месечината.
Станува збор за најновиот напредок на се пософистицираната кинеска програма за истражување на вселената, која сега се натпреварува со сеуште светскиот шампион – САД, пишува АП.
Месечевата сонда Chang’e-6 беше лансирана на ракетниот носач Long March-5 Y8 од центарот Венчанг на островската провинција Хаинан.
Кинеската национална вселенска администрација (CNSA) покани околу 50 гости од 12 земји и меѓународни организации да бидат сведоци на лансирањето.
Ударниот кратер, познат како басенот Аполо, лоциран во басенот Ајткен на далечната страна на Месечината, беше назначен како основно место за слетување и собирање примероци.
Кина има тричлена екипа на сопствената вселенска станица во орбитата и има за цел да испрати астронаути на Месечината до 2030 година. Во следните четири години се планирани три кинески мисии на лунарната сонда.
