Катастрофални поплави во Либија: Некогаш постоел град… се викал Дерна
Бројот на загинати од разорните поплави во источна Либија продолжува да расте, бидејќи властите соопштија дека повеќе од 5.000 тела се пронајдени во пристанишниот град Дерна.
Снимката од Дерна покажува тела поставени на улиците за да можат роднините да ги идентификуваат пред погребот.
Д-р Анас, кој се наоѓа во болница во Бенгази, отпатува за Дерна за да помогне во лекувањето на преживеаните од разорната бура Даниел, која предизвика невидени поплави.
„Очекувавме да видиме голем број жртви, но бевме шокирани кога видовме огромен број трупови околу болницата“, изјави тој за Би-Би-Си.
„Ова е целосна катастрофа. Навистина сум шокиран“.
Официјални лица велат дека најмалку 10.000 луѓе се стравуваат како исчезнати.
Агенцијата за миграција на ОН, Меѓународната организација за миграција, соопшти дека најмалку 30.000 луѓе се раселени во Дерна.
Застрашувачки сцени
На фотографиите и видеата од Дерна може да се види како морето исфрла тела на брегот, а страшните поројни поплави зафатија цели населби во Медитеранот.
„Морето постојано исфрла десетици тела“, рече Хихем Абу Чкиват, министер за цивилна авијација во администрацијата што управува со источна Либија.
