Калин Ивановски од болничката постела порача: Ќе се вратам уште посилен!
Повредата го мачеше 20-годишникот од стартот на оваа сезона поради што не учествуваше на ниеден турнир. Информацијата дека ќе мора да оди на операција ја објави кон крајот на март, а враќањето на тениските терени се очекува во септември или октомври. Во објавата на социјалните мрежи тој денеска соопшти дека се поминало во најдобар ред и дека ќе се врати посилен од кога било претходно.
Својот последен настап, Ивановски го имаше кон крајот на ноември, на турнир во Јапонија откако претходно оствари неколку добри резултати и дојде до најдобар ранкинг во кариерата. Во зимскиот период дури тренираше со Новак Ѓоковиќ, но ќе поминат уште неколку месеци додека го видиме пак во игра.
