ИЗНОС ОД 46 ИЛЈАДИ ДЕНАРИ ЌЕ ИМ СЕ СУБВЕНЦИОНИРА НА СТРУМИЧАНИ ЗА ПРИКЛУЧОК НА ГАСОВОДНАТА МРЕЖА: Костадинов најави, но советот е на потег
Одговорното менаџирање со Општината значи носење на одговорни одлуки во корист и интерес на граѓаните. Мојот предлог е 0 денари за приклучок на гасоводната мрежа за домаќинствата, а во понеделник Советот е на потег, дали ќе го прифати предлогот за субвенција на домаќинствата за целосно ослободување од надоместокот за приклучок во износ од 46.943 денари, напиша градоначалникот на Струмица, Костадин Костадинов на социјалните мрежи.
Тој вели дека првата мерка – директно субвенционирање на цената на гасот од 10 денари по метар кубен гас, ќе остане важечка, а на годишно ниво ќе определуваме 5 милиони денари како трансфер до „Струмица гас“, а граѓаните ќе треба само да ги заменат дрвата и пелетите со приклучок на гас и како доказ да достават една платена фактура за да ја добијат субвенцијата.
„ Оваа мерка ќе ја реализираме по принципот прв дојден прв услужен по објавувањето на Јавниот повик од страна на Општината. Апелирам и мотивирам што поголем број граѓани да ги искористат овие бенефиции што ги нудиме. Природниот гас е најдобрата инвестиција којашто ја има Струмица и да ги искористиме нејзините благодети за почист воздух и поздрава животна средина“, напиша тој на Инстаграм.
Фото:Општина Струмица
