„И ТАКА СИ ОДАТ МЛАДИТЕ, ШТО ДА ТРОШИМЕ ПАРИ НА НИВ“: Најчевска распали за предлог буџетот

Професорката Мирјана Најчевска во свој стил го коментираше предлог буџетот за 2024 година.

„ Цртички од предлог буџетот за 2024 година (сигурно нешто погрешно сум прочитала. Ако сум згрешила поправете ме):

1. Собранието добива 5 милиони ЕВРА повеќе од минатата година (молчењето на пратениците има цена)

2. Владата добива 65 милиони ЕВРА повеќе од 2023 година

(да се знае кој е главен во државата)

3. Секретаријатот за европски прашања добива 300 илјади ЕВРА помалку и ќе има 1 милиони и 600 илјади ЕВРА помалку од Министерството на Артан Груби

(си имаме ние приоритети)

4. За зајакнување и развој на процесот на европска интеграција се предвидени вкупно 470 илјади ЕВРА илјади денари (200 илјади ЕВРА помалку од 2023 година)

(затоа што ЕУ ни е во мислите)

5. За Министерството за животна средина од буџетот на државата се предвидени 1.5 милиони ЕВРА помалку од 2023 година)

(ќе причекаме влез во ЕУ)

6. За научно истражувачки проекти во Министерството за образование и наука се предвидени 1 милион помалку средства од 2023 година

(кој видел аир од наука)

7. Во Агенцијата за спорт и млади за младите се предвидени 230 илјади ЕВРА (100 илјади ЕВРА помалку од 2023 година)

(и така си одат што да трошиме пари на нив)

8. Во Министерството за здравство помалку средства се предвидени за:

– превентивна здравствена заштита

– задолжителна имунизација на населението

– рана детекција на малигни заболувања

– лекување на ретки болести

– средства за болни од дијабет

Сакав да ставам линк до страната на Собранието каде што како материјал беше ставен Предлогот на буџет, меѓутоа материјалот исчезна од таа страна. Или јас не можам нешто да го најдам.

Сигурно е до мене.“ напиша таа на фејсбук.