И од метла и крпа може добро да се заработи! Кој ќе ги гланца скопските канцеларии на МВР и АНБ за 800.000 евра годишно?
Критериум за избор на најповолен понудувач била цена за чистење на еден квадратен метар месечно и час работа за што во силна конкуренција на шест компанија најдобриот понудувач се нафатил да чисти квадрат за нешто помалку од едно евро месечно! Тој бизнис ќе му донесе редовни приходи од 2,3 милиони евра (со вклучен ДДВ) за период од три години, пишува во јавно достапната рамковна понуда
Министерството за внатрешни работи (МВР) и Агенцијата за национална безбедност (АНБ) за чистење на нивните канцеларии во Скопје ќе платат 2,4 милиони евра за период од три години. Договорот е достапен на е склучен за одржување чистота во сите деловни простории на МВР и на Агенцијата за национална безбедност (АНБ).
На тендерот за чистење на најголемата организација во земјава имало силна конкуренција. Меѓусебно конкурирале дури шест компании чија специјалност е одржувањето на чистота и хигиена. Во конкуренција на: Сити Аутсорсинг, Ланд-сервис, Техно-чист, Стед-комерц, Бигор клининг најдобра понуда дала компанијата Инфинити клининг Груп од Гази Баба, Скопје која го добила тендерот за вкупно сума со ДДВ од 2,4 милиони евра односно просечно годишно за комплетното одржување на хигиена МВР и АНБ ќе платат по 800.000 евра.
Интересно е тоа што критериумот за избор е чистење на квадратен метар за период од еден месец и за еден работен час паушален ангажман. Фирмата од Гази Баба која го добила тендерот понудила да чисти за помалку од едно евро (без ДДВ) месечно.
Од јавно достапните податоци се гледа дека МВР ќе плати значајно поголем дел од сумата односно 2,16 милиони евра. Останатите 216.000 евра се за чистење за потребите на АНБ.
За истакнување е и деталност во описот на спецификацијата на стручните служби од МВР кои го подготвиле тендерот затоа што навеле дека понудувачот треба да има посебни крпи за под, за стаклени површини, за дрвени површини,за работни површини, за санитарни површини потоа посебни крпи за ВЦ школки и писоари потоа сунѓери, џогери, посебни кофи за подни и санитарни површини како и за стаклени, дрвени и работни површини. Дури е специфицирано и минималната моќност на правосмукалките да не биде помала од 1.000 вати снага на моторот.
Р.Ф.
