Хорор: Две лица од дебарско грабнале и физички нападнале жена, па потоа ја силувале!

Две лица од регионот на Дебар се лишени од слобода, а против нив е поднесена кривична пријава за „грабнување“ и „полов напад и силување“, соопшти Министерството за внатрешни работи (МВР).

Од МВР информираат дека ОВР Струга поднело кривична пријава против А.Л. (26) од селото Џепиште заради сомневање дека сторил кривични дела грабнување и полов напад и силување. Против Е.В. (18) од селото Отишани е поднесена кривична пријава за сомнение за сторено кривично дело грабнување.

Според полициските информации, на 6 ноември 2025 година околу 19 часот, двајцата осомничени насилно ја извлекле 30-годишната жена од дворот на нејзината куќа во село во Дебарско и ја внеле во возило „Ауди“, управувано од Е.В.

Потоа се упатиле кон напуштен објект во близина на Струга, каде што, според пријавата, А.Л. физички ја нападнал жената, која изгубила свест, а потоа ја силувал.

МВР информира дека случајот е во тек и дека сите потребни мерки се преземаат за расчистување на настанот.