Граѓани панично купуваат вода и полнат кади, по најавата дека утре ќе има прекин во водоснабдувањето во Скопје

Празни се полиците на местото каде што стои негазираната вода во дел од маркетите вечерва низ Скопје. Граѓани панично купуваат откако во текот на денот стана јасно дека утре по 17 часот речиси цел град Скопје ќе нема нормално снабдување со вода.

Едни населби со прекин, други со намален притисок. Проблем ќе имаат речиси сите, но попладнево најавата за прекин во водоснабдувањето магично исчезна од Фејсбук профилот на Водовод и Канализација.

Голем број на новинари се упатија со прашања до институцијата, за тоа кои населби ќе останат без вода и колку ќе трае овој проблем, сепак до моментов точна информација нема.

Првичната вест беше објавена на друштвените мрежи и гласеше дека утре по 17 часот речиси цел Скопје ќе биде има проблем со нормалното водоснабдување бидејќи ќе се рабои на главна цевка кај Рашче.